Нукус шаҳридаги 19-умумтаълим мактабида ёшларга пухта таълим бериш, уларнинг интеллектуал салоҳиятини юксалтириш учун замонавий шароит яратилган.

Мингдан зиёд ўқувчи таҳсил олаётган мактабда таълим жараёни илғор педагогик технологиялар асосида олиб борилади. Фан, касб-ҳунар ва спортга йўналтирилган тўгараклар фаолияти йўлга қўйилган. Мактаб ўқувчилари орасида билимлар беллашуви, фан олимпиадалари, турли танлов ва спорт мусобақаларида юксак натижаларга эришаётган ёшлар кўп.