Jaqında paytaxtımızdaǵı kórgizbeler sarayında Berdaq atındaǵı mámleketlik sıylıqtıń laureatı Barlıqbay Aytmuratovtıń jeke kórgizbesi bolıp ótti.

Kórgizbede bir qatar turmıslıq hám tariyxıy mazmunǵa iye grafikalıq kompoziciyalar, teatr postanovkalarına eskizler, peyzajlar, portretler, natyurmortlar hám basqa da bir qatar jivopislik kartinalar orın alǵan.
Tariyxıy maǵlıwmatlarǵa, tereń bilim-tájiriybege iye insan bolǵanlıǵı sebepli xudojniktiń dóretiwshilik jumısları sátli shıqqan, dep bahalaydı kórgizbege qatnasqan qánigeler. Bunı ótmishten saza beretuǵın «Aydos baba», «Ernazar Alakóz», «Bozataw» hám basqa da shıǵarmalarında ayqın kóriwge boladı.
Esletip ótemiz, B.Aytmuratovtıń jeke yubiley kórgizbesi usı jıldıń yanvar ayında da I.V.Savickiy atındaǵı kórkem-óner muzeyinde shólkemlestirilgen edi.

Qaraqalpaqstan xabar agentligi