Elimiz g`a`rezsizliginin` 26 jıllıg`ı mu`na`sibeti menen O`zbekistan Respublikası Prezidenti Shavkat Mirziyoevtın` atına shet ma`mleketler menen hu`kimetlerden, abıroylı xalıqaralıq sho`lkemlerdin` basshılarınan shın ju`rekten qutlıqlawlar kelmekte. Olarda ma`mleketimiz basshısına ıg`bal-baxıt, amanlıq ha`m tabıslar, O`zbekistan xalqına tınıshlıq-tatıwlıq, rawajlanıw ha`m abadanlıq tilep, shın kewilden jaqsı tilekler bildirilgen.
O`zbekistan Respublikası Prezidenti
Ullı Ma`rtebeli Mırza Shavkat Mirziyoevqa
Ullı Ma`rtebeli Mırza!
O`zbekistan Respublikası hu`kimetine ha`m xalqına G`a`rezsizlik ku`ni mu`na`sibeti menen o`zimnin` shın ju`rekten shıqqan tileklerimdi bildiriw mag`an u`lken qanaatlanıwshılıq bag`ıshlaydı.
Biz ullı arzıw-niyetler menen birge, ha`r qıylı alasapıranlı da`wirde jasap atırmız. Men bıyılg`ı jıldı pu`tkil du`n`yada tınıshlıqtı ta`miyinlewge shaqırıq penen basladım. Insaniyat umtılıp atırg`an barlıq jemisler – qa`dir-qımbat, a`dil sudlaw, rawajlanıw ha`m abadanlıq tikkeley tınıshlıq penen baylanıslı. Bul qa`driyatlar BMSh Rejesinde bekkemlep qoyılg`an ha`m ol bizdi birlestirip turadı.
Sizin` bayram quwanıshın`ızg`a sherik bola otırıp, BMShtın` ko`p milletli sho`lkem ekeni pu`tkil du`n`yada bir-birinen uzaqlasıw ha`diysesi baqlanıp atırg`an bir waqıtta ulıwmalıq is-ha`reketlerimizdi bekkemlewge xızmet etip, ulıwma, insanıylıg`ımızdı belgilep atırg`anın atap o`tpekshimen.
Usı qutlı ku`nde Siz basshılıq etip atırg`an O`zbekistan BMShtı bekkemlew, ha`mmege tınıshlıq, rawajlanıw ha`m insan huqıqların ta`miyinlew jolındag`ı ulıwmalıq is-ha`reketlerimizdi bunnan bılay da jedellestiriwge mu`na`sip u`les qosatug`ınına isenemen.
Ullı Ma`rtebeli Mırza, Sizge bolg`an joqarı hu`rmetimdi qabıl etkeysiz.
Antoniu GUTERRISh,
BMSh bas xatkeri
***
O`zbekistan Respublikası Prezidenti
Ullı Ma`rtebeli Mırza Shavkat Mirziyoevqa
Hu`rmetli Prezident Mırza!
Sizdi ha`m O`zbekistan xalqın o`zimnin` ja`ne watanlaslarımnın` atınan O`zbekistan Respublikasının` G`a`rezsizlik ku`ni mu`na`sibeti menen shın ju`rekten qutlıqlayman.
Bıyılg`ı jılı biz O`zbekistan menen Germaniya arasında diplomatiyalıq qatnasıqlar ornatılg`anının` 25 jıllıg`ın bilgilep atırmız. O`tken sherek a`sirde biz siyasat, ekonomika, qa`wipsizlik, ma`deniyat salalarında, sonday-aq, xalıqaralıq sho`lkemler shen`berindegi ko`p ta`repleme birge islesiwimizdi rawajlandırıwg`a eristik. Bunnan bılay da birge islesiwimizdi ja`ne de bekkemleytug`ınımızg`a isenemen.
Germaniya O`zbekistanda ma`mleketlik basqarıw, a`dillik salası, ekonomikanı ha`m ja`miyetti rawajlandırıw bag`darındag`ı a`hmiyetli reformalardı a`melge asırıwda ko`meklesiwge tayar. Sonday-aq, Sizdi isendirip aytaman, Germaniya O`zbekistannın` regiondag`ı ma`mleketler menen jaqsı qon`sıshılıq qatnasıqların bunnan bılay da bekkemlew bag`darındag`ı baslamaların qollap-quwatlaydı.
Sizge ha`m shan`arag`ın`ızg`a saw-salamatlıq ha`m abadanlıq, O`zbekistan xalqına tınıshlıq-tatıwlıq ja`ne rawajlanıw tileymen.
Frank-Val`ter ShTAYNMAYER,
Germaniya Federativlik Respublikası Prezidenti
***
O`zbekistan Respublikası Prezidenti
Ullı Ma`rtebeli Mırza Shavkat Mirziyoevqa
Siz, Ullı Ma`rtebeli Mırzag`a Milliy bayram – G`a`rezsizlik ku`ni mu`na`sibeti menen jaqsı tileklerimdi bildirgenimnen ja`ne O`zbekistan xalqına kelesi jılg`a ıg`bal-baxıt ha`m abadanlıq tilegenimnen og`ada quwanıshlıman.
ELIZAVETA 88,
Ullı Britaniya ha`m Arqa Irlandiya
Birlesken Karol`liginin` Korolevası
***
O`zbekistan Respublikası Prezidenti
Ullı Ma`rtebeli Mırza Shavkat Mirziyoevqa
Hu`rmetli Shavkat Miromonovich!
Milliy bayram – O`zbekistan Respublikası G`a`rezsizlik ku`ni mu`na`sibeti menen shın ju`rekten shıqqan tileklerimdi qabıl etkeysiz.
Siz ma`mleket basshısı sıpatında jumıs baslag`anın`ızdan berli xalıqlarımız arasında a`sirler dawamında jetilisken doslıq ha`m jaqsı qon`sıshılıq baylanısları jan`a basqıshqa ko`terilgenin teren` qanaatlanıwshılıq penen atap o`temen. Qırg`ızstan menen O`zbekistan arasındag`ı o`z-ara paydalı birge islesiw bunnan bılay da rawajlanıp, mazmun jag`ınan bayıp bara beredi.
Pursattan paydalanıp, Sizge, hu`rmetli Shavkat Miromonovich, ma`mleket basshısı sıpatındag`ı jumısın`ızda bekkem densawlıq, ıg`bal-baxıt ha`m u`lken tabıslar, tuwısqan O`zbekistan xalqına tınıshlıq, jaqsılıq ha`m abadanlıq tileymen.
Hu`rmet penen,
Almazbek ATAMBOEV,
Qırg`ızstan Respublikası Prezidenti
***
Sonday-aq, to`mendegiler o`z qutlıqlawların jollag`an:
Avstraliya General-gubernatorı Piter Kosgrouv
Avstriya Respublikası Federal Prezidenti Aleksandr Van der Bellen
M`yanma Prezidenti Txin Chjo
A`zerbayjan Respublikası Prezidenti Ilhom Aliev
Slovakiya Respublikası Prezidenti Andrey Kiska
Ukraina Prezidenti Petr Poroshenko
Aziya infrastruktura investitsiyaları banki prezidenti Tszin` Litsyun
ShBSh Bas xatkeri Rashid Alimov
G`MDA Atqarıw komitetinin` baslıg`ı – Atqarıwshı xatker Sergey Lebedev
Migratsiya boyınsha xalıqaralıq sho`lkemnin` Bas direktorı Uil`yam Leysi Sving
Qutlıqlawlardın` keliwi dawam etpekte.