Shımbay rayonlıq xalıq teatrı háweskerler arasında ótkerilip atırǵan respublikalıq festivalda qatnaspaqta

Ózbekstan Respublikası Mádeniyat ministrligi Respublikalıq mádeniyat birlespeleri jumısların shólkemlestiriw ilimiy-metodikalıq orayı, Xalıq aralıq «Altın miyras» qayırqomlıq jámiyetlik qorı, Respublikalıq «Tasviriy oyina» dóretiwshilik birlespesi hám Ózbekstan mámleketlik jas tamashagóyler teatrı menen birgelikte Háweskerlik xalıq teatrları respublikalıq festvalınıń juwmaqlawshı basqıshı ótkerilmekte. Respublikalıq basqıshta Qaraqalpaqstan Respublikası, wálayatlar hám Tashkent qalasınan jámi 13 háweskerlik xalıq teatrları qatnaspaqta.

Festivalda Qaraqalpaqstan Respublikasınan Shımbay rayonlıq xalıq teatrı qatnasıp atırǵan bolıp, olar 5-aprel kúni Ózbekstan mámleketlik jas tamashagóyler teatrında «Balalıq» atlı spektakldi tamashagóyler itibarına usınadı.

Festival juwmaqları haqqında keyinirek tolıq maǵlıwmat berip ótemiz.

Islam Matekov,

Qaraqalpaqstan xabar agentliginiń sholıwshısı.

  30.04.2018, 10:19  |    40 ma'rte ko'rildi

Raxmet

Sayt administratsiaysi qa'te tekst haqqinda xabarlandirildi