Ózbekstan Respublikası Ishki isler hám Qarjı ministrlikleri tárepinen islep shıǵılǵan Rejege muwapıq, bunnan bılay Ishki isler ministrliginiń oqıw orınlarında oqıǵan yamasa ministrlik tárepinen sırt ellerdegi mákemelerge oqıwǵa jiberilgen pitkeriwshiler oqıwdı pitkergennen keyin 5 jıl dawamında ministrliktiń jollaması boyınsha, mámleketlik mákemelerde májbúriy úzliksiz xızmet kórsetiwi kerek boladı, dep jazadı Daryo.uz saytı.

Bul shárt orınlanbaǵan jaǵdaylarda pitkeriwshiler oqıw qárejetlerin tolıq tólewi shárt boladı. Bul haqqında studentler menen oqıw procesiniń basında arnawlı shártnama dúziledi hám olardıń ata-anaları eskertiledi.

Oqıw ushın óndiriletuǵın tólemde tómendegi qárejetler esapqa alınadı: oqıtıwshılardıń miynet haqı, stipendiya, kiyim-kenshek, azıq-awqat penen támiyinleniwi, ámeliy shınıǵıwlar hám jol qárejetleri.

Qaraqalpaqstan xabar agentligi