Ózbekstan Respublikası Prezidentiniń «Diniy-aǵartıwshılıq taraw jumısların túpkilikli jetilistiriw ilajları haqqında»ǵı pármanına muwapıq, Tashkent islam universiteti tiykarında Ózbekstan xalıqaralıq islam akademiyası shólkemlestirildi.

Ózbekstan xalıqaralıq islam akademiyası:

– Quran ilimi, hádis, islam huqıqı, isenim, tásawwıf, islam ekonomikası hám qarjı jumısları, xalıqaralıq qatnasıqlar, shet tilleri (arab, parsı, inglis, rus, urdu, túrk hám t.b.) hám basqa xalıqaralıq kólemde talap bolǵan tarawlar boyınsha jetik qánigelerdi tayarlawǵa baǵdarlanıladı;

– orta arnawlı, joqarı bilimlendiriw, joqarı bilimlendiriwden keyingi bilimlendiriw, qánigeligin jetilistiriw basqıshlarında úzliksiz bilimlendiriwdiń bir pútin sistemasın shólkemlestiriwge baǵdarlanǵan jumıs alıp baradı;

– ilimiy miyrastı tereń analizlew hám abaylap-saqlawǵa, diniy hám dúnyalıq bilim beriwge qánigelesken jetekshi bilimlendiriw hám ilimiy izertlew mákemesi bolıp tabıladı;

– respublikadaǵı barlıq islam bilimlendiriw mákemeleri jumısların oqıw-normativlik hám oqıw-metodikalıq tárepten támiyinlew hám muwapıqlastırıwdı ámelge asıradı.

Ózbekstan xalıqaralıq islam akademiyası pitkeriwshilerine ulıwma bilim beriw mektepleri, orta arnawlı hám joqarı oqıw orınlarında tarawǵa baylanıslı bolǵan pánler boyınsha pedagogikalıq jumıs alıp menen shuǵıllanıw huqıqı berildi.

Islam Matekov,

Qaraqalpaqstan xabar agentliginiń sholıwshısı.