Ózbekstan Respublikası Ministrler Kabinetiniń “Joqarı oqıw orınlarına oqıwǵa qabıl etiw tártibin jáne de jetilistiriw haqqında”ǵı qararı qabıl etildi. Bul haqqında Ádillik ministrliginiń “Huquqiy axborot” kanalı málim etti.
Qarar tiykarında test sınaqları Tashkent qalasındaǵı “Ózekspooray” milliy kórgizbeler kompleksi pavilonlarında hám onıń aymaǵında ornatılatuǵın qosımsha jıynalmalı pavilonlarda, sonday-aq, úlken kólemdegi basqa imaratlarda, wálayat oraylarında bolsa – olimpiya rezervleri kolledjleri yamasa basqa shólkemlerdiń úlken kólemdegi imaratlarında ótkeriledi.
Qaraqalpaqstan xabar agentligi