Usı jıldıń 19-aprel kúni Ellikqala rayonı hayal–qızlar shólkemi, nuranıylar keńesi hám «Nawayı» awıl puqaralar jıyını basshıları rayondaǵı Nawayı awılındaǵı Baǵjap posyolkasında jasaytuǵın Ekinshi jer júzilik urıs qatnasıwshısı Nikolay ata Raxmetovtıń halınan xabar aldı. Bul haqqında rayon hákimliginiń rásmiy veb–saytı xabar bermekte.
Nikolay ata kelgen miymanlar menen jaslıq máwritleri, urıstaǵı qıyınshılıqlar haqqında sóylesip, búgingidey tınısh hám abadan turmısımızǵa mıń shúkirlik etiw, qádirine jetiw kerekligin aytıp ótti jáne húkimetlik ǵamkorlıq hám itibardan minnetdar ekenligin bildirdi.
Qaraqalpaqstan xabar agentligi