Qońırat rayonınan Ekinshi jer júzilik urısqa 3672 puqara qatnasqan bolsa, sonnan 812 si sawash maydanında qaytıs bolǵan, al 823 i biydárek joǵalǵan. Urıstan 2037 si óz eline aman-esen quwısqan. Házirgi waqıtta olardıń tek ǵana ekewi tınısh hám paraxat turmısta ómir súrmekte.
Qaraqalpaqstan Respublikası Ministrler Keńesi Baslıǵınıń orınbasarı – Hayal-qızlar komiteti baslıǵı Z.Ibragimova rayonda jasaytuǵın Ekinshi jer júzilik urıs qatnasıwshıları – Qudaybergen ata Xojaxmedov hám Kamal ata Yusupovlardıń shańaraǵında bolıp, urıs qatnasıwshılarınıń halınan xabar aldı hám fashizm ústinen erisilgen jeńistiń 73 jıllıǵı menen qızǵın qutlıqladı. Bul haqqında Ministrler Keńesi málimleme xızmeti xabar bermekte.
Óz gezeginde, veteranlar tınısh hám baxıtlı turmısımızǵa shúkirshiligin bildirip, húrmetli Prezidentimizge itibar hám ǵamqorlıq ushın minnetdarshılıǵın bildirdi.
Qaraqalpaqstan xabar agentligi