Aldın abadanlastırıw basqarması qaramaǵındaǵı 813 shıǵındı jıynaw maydanshası hám 21 shıǵındı tasıw poligonları «Taza aymaq» mámleketlik unitar kárxanasınıń esabına ótkerilip, rayon hákimleriniń qararları tiykarında jańa poligonlar shólkemlestirildi. Usılar menen birge, Ellikqalada 3, Beruniy hám Tórtkúlde 4, Xojelide 5, Kegeyli, Shomanay, Qaraózek, Taxtakópirde birewden shıǵındı jıynaw maydanshaları, 14 poligonnıń qurılıs isleri tolıq juwmaqlandı. Bıyılǵı jılı kárxana tárepinen respublikamız boyınsha 35 mıń tonnaǵa jaqın turmıslıq shıǵındılar elatlı punktlerden arnawlı orınlarǵa shıǵarıp taslandı.
Bul haqqında «Erkin Qaraqalpaqstan» gazetasınıń 24-aprel kúngi №51 (20137) sanında járiyalanǵan «Aymaqlardıń tazalıǵı jolında» atamasındaǵı sáwbette járiyalanǵan.
Qaraqalpaqstan xabar agentligi