«Ózbekstan Respublikasınıń ayrım nızam hújjetlerine ózgeris hám qosımshalar kirgiziw haqqında»ǵı Nızam tiykarında «Jurnalistlik xızmetti qorǵaw haqqında»ǵı Nızamnıń 9 statyasına ózgeris hám qosımshalar kirgizildi. Nızam 7-1-statya menen tolıqtırıldı. Sonday-aq, 16-statyada kórsetilgen normalar nızamnıń 2-statyasına kóshirilgeni sebepli alıp taslandı. Bul haqqında «Inson va qonun» saytı xabar bermekte.
Nızamnıń cenzuraǵa jol qoyılmaytuǵınlıǵı haqqındaǵı 4-statyası jańa redakciyada berilgen:
«Ózbekstan Respublikasında ǵalaba xabar qurallarınıń cenzura etiliwine jol qoyılmaydı. Hesh kim jurnalistten járiyalanıp atırǵan xabarlar yamasa materiallardıń aldın ala kelisip alınıwın, sonday-aq, olardıń tekstiniń ózgertiliwin yamasa pútkilley járiyalawdan alıp taslanıyaın (efirge berilmewin) talap etiw huqıqına iye emes».
Islam Matekov,
Qaraqalpaqstan xabar agentliginiń sholıwshısı.