17-aprel kúni Ministrler Kabinetinde Prezident Shavkat Mirziyoevtiń baslaması menen ótkerilgen májbúriy miynetke qarsı kampaniya sheńberinde bas ministr Abdulla Aripov basshılıǵında jıynalıs bolıp ótti, dep xabar bermekte Kun.uz saytı.
Jıynalısta bas ministr qaysı aymaqlarda basshılar tárepinen bul baǵdarda qanday nızam buzıwshılıqlar júz bergenligin mısallar tiykarında aytıp ótti. Bas ministr Ózbekstanda mámleketlik siyasat bunıń tárepinde emesligi, bul Prezident Shavkat Mirziyoevtiń aytıp ótkenindey, mámleketlik siyasatqa qıyanet ekenligin bildirdi. Bunday jumıslarǵa buyrıq berip atırǵanlar, atap aytqanda, qala hám rayon hákimleri, rayonlıq Xalıq bilimlendiriw basqarmaları hám basqalar ózleriniń sadıqlıǵın kórsetiw ushın byudjet mákemelerin jumısqa tartıwdı qattı qaraladı.
Jıynalıs dawamında Xalıq bilimlendiriw ministri Uluǵbek Inoyatov hám Densawlıqtı saqlaw ministri Alisher Shodmonovtıń háreketleri sınǵa alındı.
Qaraqalpaqstan xabar agentligi