Ózbekstan Respublikası Oraylıq banki valyuta operaciyaları boyınsha sorawlarǵa juwap berdi, dep jazadı Daryo.uz.
Bank baspasóz xızmetiniń málim etiwinshe, yuridikalıq tárepler xalıq aralıq operaciyalar boyınsha sırt el valyutasın kommerciyalıq banklerden sheklenbegen muǵdarda satıp alıwı múmkin. Eksport penen shuǵıllanatuǵın firma hám basqa subektler sırt el valyutasınan túsimdi májbúriy satıw talabısız paydalanıwı múmkin.
Puqaralar bank plastik kartalarındaǵısırt el valyutasın hesh qandaysheklewlersiz sheship alıwı, onlayn-sistemalar arqalı ótkeriwi, ruqsatnamasız 5 mıń dollarǵa shekemgi qarjını respublikadan sırtqa alıp shıǵıw múmkin, tek ǵana 2 mıń dollardan artıq bolǵan qarjını májbúriy deklaraciyalaw kerek boladı.
Jeke isbilermenler hám fermer xojalıqları ózleriniń banktegi esap betinen naq valyutanı sheklenbegen muǵdarda sheship alıwı múmkin.
Maǵlıwmat ushın, Ózbekstanda usı jıldıń 1-noyabrine shekem kúni-túni jumıs isleytuǵın avtomatlastırılǵan valyuta almastırıw punktleri iske túsiriledi.
Qaraqalpaqstan xabar agentligi