Usı jıldıń 31-mart kúni «Paxta-toqımashılıq óndirisi hám klasterleri jumısların shólkemlestiriw boyınsha qosımsha ilajlar haqqında»ǵı Húkimetlik qarar qabıl etildi. Bul haqqında Ádillik ministrliginiń «Huquqiy axborot» kanalı málim etti.

Qarar tiykarında:

– 13 paxta tazalaw kárxanaları hám 68 paxta tayarlaw punktleriniń imaratları (úskenelerinen tısqarı) paxta-toqımashılıq óndirisi hám klasterleri shólkemlerine 5 jıllıq múddetke bólip tólew imkaniyatı berilgen halda, óndiristi 2 jıldan kóp bolmaǵan waqıt dawamında modernizaciyalaw, investiciyalar kirgiziw shárti menen bahalaw tiykarında satıladı;

– paxta tazalaw kárxanaları hám tayarlaw punktleriniń islep turǵan úskeneleri hám basqa tiykarǵı quralları modernizaciyalaw ámelge asırılatuǵın dáwirge shekem múlk hám jer salıǵı jáne amortizaciya qarjıların esapqa alǵan halda, mámleketlik múlk ushın belgilengen eń kem stavkalar boyınsha ijaraǵa beriledi.

Qaraqalpaqstan xabar agentligi