Tórtkúl rayonı diyqanları Qaraqalpaqstan Respublikasında birinshilerden bolıp topıraqqa shigit ekti. Usı múnásibet penen rayonnıń “Ózbekstan” awıl puqaralar jıyını aymaǵındaǵı “Nurabad” fermer xojalıǵınıń atızında kórgizbeli seminar bolıp ótti, dep xabar bermekte rayon hákimliginiń rásmiy veb-saytı.
Rayon hákimi, sektor basshıları, awıl xojalıǵı tarawı qánigeleri, fermerlerge xızmet kórsetetuǵın kárxanalar hám fermer xojalıqlarınıń basshıları qatnasqan ilajda egislik máwsimdi durıs shólkemlestiriw, texnikadan nátiyjeli paydalanıw, máwsimdi tez hám sapalı etip juwmaqlaw boyınsha pikir almasıldı.
“Nurabad” fermer xojalıǵı bıyılǵı jılı 51 gektar maydanǵa “Sultan” sortlı shigit egip, gektarınan 23 centnerden ónim alıwdı rejelestirgen. Bunıń ushın qısqı atızdıń shorın juwıw jumısları sapalı alıp barılıp, atızlardıń topıraq sharayatın esapqa alıp, egis jumısları baslandı.
Qaraqalpaqstan xabar agentligi