Ádillik ministrliginiń xabarnamasında turaq jaydı satıp alıw hám qurıwdıń nızamlı mexanizmleri bolıwına qaramastan mıńlaǵan puqaralar kóp jıllar dawamında ózbasımshalıq penen iyelep alınǵan jer uchastkalarında nızamsız jeke turaq jaylardı qurǵanlıǵı atap ótildi. Bunday jaǵdaylardıń júz beriwine juwapker bolǵan mámleketlik organlar jol qoyıp bergeni, sonday-aq, fermer hám diyqan xojalıqlarınıń til biriktiriwi sebepshi boldı. Bul haqqında Ádillik ministrliginiń «Huquqiy axborot» kanalı arqalı málim etildi.
Nátiyjede bull mashqala pútkil respublika boyınsha ǵalaba túrde en jaydı, bul bolsa puqaralardıń turaq jayına kadastr hújjetlerin beriw máselesindegi múrájatlar sanınıń kóbeyiwine sebep boldı. Atap aytqanda, Ózbekstan Respublikası Prezidentiniń Virtual qabıllawxanasına 5 mıńnan aslam usınday múrájatlar kelip tústi.
Usı maqsette adamgershilik principinen kelip shıǵıp, joybardıń tiykarǵı ideyası ózbasımshalıq penen qurılǵan imaratlarǵa múlk huqıqın «amnistiyalaw» hám puqaralarǵa tiyisli bolǵan turaq jaylardı mámleketlik dizimnen ótkeriwde ámeliy járdem kórsetiw arqalı turaq jayǵa baylanıslı hújjetlerdiń ámelge asırılıwı ushın qolaylı sharayatlardı jaratıw bolıp tabıladı.
Qaraqalpaqstan xabar agentligi