Ózbekstan Respublikası Ádillik ministrligi tárepinen Ózbekstan Respublikası Prezidentiniń «Puqaralardı sociallıq jaqtan qollap-quwatlaw boyınsha qosımsha ilajlar hám ózbasımshalıq penen qurılǵan turaq jaylarǵa múlk huqıqın belgilew boyınsha bir mártelik ulıwma mámleketlik akciyasın ótkeriw haqqında»ǵı Pármanı joybarı tayarlanıp, dodalawǵa qoyıldı. Bul haqqında Ádillik ministrliginiń «Huquqiy axborot» kanalı arqalı málim etildi.
Párman tiykarında bunday imaratlarǵa tek ǵana múlk huqıqı berilip qalmastan, imarat qurılǵan jer uchastkasına (jer uchastkasınıń bir bólimine) miyras etip qaldırılatuǵın ómirlikke iyelik etiw huqıqıda beriledi. Jer maydanınıń kólemi Ózbekstan Respublikasınıń Jer kodeksine muwapıq 0,06 gektarǵa shekem (6 sotix) etip kórsetilgen. Ózbasımshalıq penen qurılǵan imaratlarǵa Párman tiykarında múlk huqıqı berilse, múlk iyesi eń kem miynet haqınıń 10 esesi muǵdarında (1 722 400 sum) bir mártelik jıyım tólewi belgilengen.
Qaraqalpaqstan xabar agentligi