Qanlıkól rayonı aymaǵındaǵı awıl puqaralar jıyınında jasawshı 1086 kem támiyinlengen shańaraqlarǵa 5 túpten (alma, erik, qáreli, shabdal, almurt) – jámi 5430 túp miywe nálleri tarqatıldı hám hár bir shańaraqlarda qıytaq jerlerge miywe nállerin egiwge járdem berilmekte. Bul haqqında rayon hákimliginiń rásmiy veb-saytı xabar berdi.
Sonday-aq, rayon aymaǵında abadanlastırıw hám kóklemzarlastırıw aylıǵı baǵdarında puqaralar jıyınlarında sociallıq járdemge mútáj, kem támiyinlengen, jalǵız baslı nuranıylar menen baǵıwshısınan ayrılǵan shańaraqlardıń jaǵdayınan xabar alınıp, úy qaptalı qıytaq jerleri tazalanıp, egiske tayarlanıp, miywe nálleri menen sayamanlı terekler otırǵızıw ilajları alıp barılmaqta.
Qaraqalpaqstan xabar agentligi