Usı jıldıń 6-aprel kúni Ózbekstan Respublikası Ministrler Kabinetiniń «Puqaralıq halatı aktlerin jazıw qaǵıydalarınıń 107-bántine qosımsha kirigiziw haqqında»ǵı qararı qabıl etildi. Bul haqqında Ádillik ministrliginiń «Huquqiy axborot» kanalı málim etti.
Qararǵa muwapıq, PHAJ organı erli-zayıptı jarastırıw boyınsha tiyisli ilajlardı kóriw ushın erli-zayıplınıń birge jasaw ornındaǵı puqaralar jıyınınıń jarastırıw komissiyasın, eger olar birge jasamay júrgen bolsa, hár biriniń jasaw ornındaǵı puqaralar jıyınınıń jarastırıw komissiyasın nekeden ajıratıw haqqındaǵı arza berilgen kúnnen baslap 3 kúnnen keshiktirmey jazba túrde xabardar etiwi kerek.
Qaraqalpaqstan xabar agentligi