Respublika boyınsha qala ishinde 5, rayonlarda 14, jámi 19 jolawshı avtovokzalları hám avtostanciyaları islep tur. Sonnan ótken jılı Moynaq rayonındaǵı jolawshı avtovokzalı 125 million sum qarjı esabınan qayta rekonstrukciyadan shıǵarıldı. Bıyılǵı jılda Shımbay hám Taxtakópir rayonlarındaǵı jolawshı avtovokzallarına rekonstrukciya islew ushın 200 million sum muǵdarında qarjı ajıratılıp, ońlaw jumısları baslap jiberildi. Sonday-aq, Qońırat rayonındaǵı «Qaraqalpaqstan» APJ aymaǵında jaylasqan jolawshı avtovokzalı bıyılǵı jılda jergilikli isbilermenniń qarjısı esabınan jańadan qurıp beriletuǵın boldı.
Bul haqqında respublikalıq «Erkin Qaraqalpaqstan» gazetasınıń óz xabarshısı Saǵınbay Orazımbetovtıń «Jámiyetlik transporttaǵı jetiskenlikler hám mashqalalar» atamasındaǵı maqalasında keltirip ótilgen.
Qaraqalpaqstan xabar agentligi