Ózbekstan Respublikası Prezidentiniń 2018-jıl 5-apreldegi «Ózbekstan Jazıwshılar awqamınıń jumısın bunnan bılay da jetilistiriw ilajları haqqında»ǵı qararında Ózbekstan Jazıwshılar awqamı qaramaǵındaǵı basılımlardıń materiallıq-texnikalıq bazasın bekkemlewge ayrıqsha itibar qaratılǵan.

Qarar tiykarında, Ózbekstan Respublikası Finans ministrligi hám Ózbekstan Jazıwshılar awqamı menen birgelikte Awqamnıń shólkemlestiriwinde óz jumısın alıp baratuǵın barlıq redakciyalar qatarında derlik 90 jılǵa shamalas waqıttan berli óz oqıwshılarına ruwxın suwsın berip kiyatırǵan Qaraqalpaqstan Respublikasınıń kórkem-ádebiyat, sın hám jámiyetlik oy-pikir jurnalı «Ámiwdárya» jurnalı redakciyasınıń da materiallıq-texnikalıq bazasın bekkemlew boyınsha ilajlar baǵdarlamasın islep shıǵıw názerde tutılǵan.

Onda usı basılımdı qaǵaz benen támiyinlew, baspaxana qárejetlerin qaplaw, olardıń jazılıw mapazına kómeklesiw ushın «Ijod» jámiyetlik fondına qosımsha qarjı ajıratıw názerde tutılǵan.

Qaraqalpaqstan xabar agentligi