Usı jıldıń 5-aprel kúni Ózbekstan Respublikası Prezidentiniń «Ózbekstan Jazıwshılar awqamı jumısların jáne de jetilistiriw ilajları haqqında»ǵı qararı tastıyıqlandı.
Qarar tiykarında:
– Jazıwshılar awqamınıń Qaraqalpaqstan Respublikası hám wálayatlardaǵı bólimlerine qosımsha shtatlar ajıratıldı;
– «Ijod» jámiyetlik qorınıń Qaraqalpaqstan Respublikası hám wálayatlarda aymaqlıq bólimleri shólkemlestirilip, olardıń Qáwenderlik keńeslerine Qaraqalpaqstan Respublikası Joqarǵı Keńesi baslıǵı hám wálayatlardıń hákimleri baslıq, aymaqlardaǵı universitet hám institutlar rektorları baslıqtıń orınbasarları sıpatında biriktirildi.
Sonday-aq:
– qábiletli dóretiwshilerge «Ijod» jámiyetlik qorınıń qarjıları esabınan anıq sociallıq buyırtpalar beriw sistemasın qáliplestiriw;
– kórkem shıǵarmalardı shet tillerine awdarmalaw maqsetinde milliy ádebiyatımızdıń eń jaqsı úlgilerin anıqlaw boyınsha arnawlı komissiya dúziw;
– komissiya tárepinen saylap alınǵan shıǵarmalardı «Ijod» jámiyetlik qorınıń qarjıları esabınan shet tillerine joqarı sapada awdarma islew hám shet ellerde baspadan shıǵarıw;
– kórkem ádebiyat boyınsha jas awdarmashılardı tayarlaw, jumıs alıp barıp atırǵan awdarmashılardıń professionallıq kónlikpesi hám tájiriybesin arttırıwǵa baylanıslı ilajlardı islep shıǵıw hám ámelge asırıw;
– respublika boyınsha «Kitap akciyası» ilajların turaqlı túrde jolǵa qoyǵan halda, mákan puqaralar jıyınları hám mektepler, «Mehriybanlıq úyleri»ne «Ijod» jámiyetlik qorınıń qáwenderliginde basıp shıǵarılǵan kitaplardı biypul jetkerip beriw haqqındaǵı usınıslar maqullandı.
Qaraqalpaqstan xabar agentligi