Ózbekstan Respublikası Prezidentiniń 2017-jıl 29-marttaǵı «Ózbekstan Respublikasında birlemshi medicinalıq-sanitariyalıq járdem mákemeleriniń jumısın shólkemlestiriwdi bunnan bılay da jetilistiriw ilajları haqqında»ǵı qararına muwapıq, respublikamızdaǵı barlıq emlew-profilaktikalıq mákemelerinde «Salamat hayal aylıǵı» ilajı ótkerilmekte.
Usı jıldıń 5-10-mart kúnleri aralıǵında aymaqlıq qánigelerdiń qatnasında medicinalıq tekseriwlerden ótetuǵın hayallar laboratoriyalıq tiyisli analizlerin tapsırıp, tereńlestirilgen medicinalıq tekseriwlerden ótkerildi.
– «Salamat hayal aylıǵı»nda qatnasatuǵın qánigelerdiń orınlarda ótkeriletuǵın ilajlardı nátiyjeli túrde ámelge asırıwı ushın barlıq sharayatlar jaratıldı. Úgit-násiyat jumıslarınıń keń kólemde júrgiziliwi ushın hár bir topar ultradawıs tekseriw apparatı menen támiyinlenip, maǵlıwmatlar talqılanıp barıldı, arnawlı bukletler tayarlandı-deydi Qaraqalpaqstan Respublikası Densawlıqtı saqlaw ministrliginiń analıq hám balalıqtı qorǵaw bóliminiń bas qánigesi Z.Siypatdinov.
Usı kúnge shekem 91 mıń 865 hayal medicinalıq tekseriwlerden ótkerilip, 44 mıń 344 hayalda hár qıylı kesellikler anıqlandı. Sonnan, 33 mıńǵa shamalası salamatlastırıldı, 3700 den aslamı kontracepciya quraları menen qamtıldı.
Ilaj 14-aprelge shekem dawam etedi.
Qaraqalpaqstan xabar agentligi.