Ózbekistan «Máhálle» qayırqomlıq jámiyetlik fondı Nókis qalalıq bólimi tárepinen duzilgen máhálle jasları arasında «Biz aqıllı hám sanalı shańaraqlarmız» atamasında shaxmat hám shashka boyınsha sport oyınlarınıń qalalıq basqıshı bolıp ótti.
Ótkerilgen oyınlar tiykarınan 9 jastan 14 jasqa shekemgi jaslardı sportqa tartıw maqsetinde shólkemlestirildi.
Jarıs juwmaǵında shashka boyınsha «Jolshılar» MPJ dan N.Mırzabaeva birinshi, «Qum Awıl» MPJ dan Sh.Jańabaeva ekinshi, «Xalıqlar doslıǵı» MPJ dan F.Joldasbaeva hám Sh.Djańabaevlar úshinshi orındı iyeledi. Al, shaxmat boyınsha «Jolshılar» MPJdan J. Dosıbaev birinshi, H.Kóshkinbaev ekinshi, «Xalıqlar doslıǵı» MPJdan I.Mámbetniyazov hám «Jolshılar» MPJdan A.Musaevlar úshinshi orındı iyeledi.
Jeńimpazlar shólkemlestiriwshiler tárepinen tayarlanǵan arnawlı diplom hám bahalı sawǵalar menen sıylıqlandı.
A.Nazarova,
QMU jurnalistika tálim baǵdarınıń studenti.
(Qaraqalpaqstan xabar agentlgi)