Shımbay rayonındaǵı Qızıl ózek awıl xojalıǵı kásip-óner kolledjinde múddetli áskeriy xızmetti atqarıp kelgen puqaralar ushın bos jumıs orınların yarmarkası bolıp ótti. Bul haqqında rayon hákimliginiń rásmiy veb-saytı xabar bermekte.
Yarmarkaǵa rayon hákimligi, qorǵanıw bólimi, bántlikke kómeklesiw orayı, mákeme, kárxana, kásip-óner kolledjleri, isbilermenler, fermerler qatnastı.

Ilajda shıǵıp sóylegenler múddetli áskeriy xızmetti hám mobilizaciyalıq shaqırıw rezervin atqarıp kelgen puqaralardıń bántligin támiyinlew, jeke isbilermenlik jumısların baslaw ushın kommerciyalıq bankler tárepinen kreditler ajıratıw boyınsha ózleriniń bahalı másláhátlerin berdi.
Yarmarkaǵa 37 mákeme 143 bos jumıs orınları menen qatnastı.

Qaraqalpaqstan xabar agentligi