Usı jıldıń 28-mart kúni Ózbek Milliy drama teatrında “Islam Kárimovtıń esteligine baǵıshlanǵan eń jaqsı ilimiy-publicistikalıq maqala” tańlawınıń jeńimpazların saltanatlı sıylıqlaw máresimi bolıp ótti.

Tańlawǵa elimiz puqaraları hám sırt elli avtorlardan ózbek, qaraqalpaq, rus, inglis, francuz, italyan, qıtay, nemis, yapon, arab, koreec, ázerbayjan, qazaq, túrkmen, qırǵız tillerinde jazılǵan 900 ǵa shamalas materiallar kelip tústi.

Tańlawǵa Berdaq atındaǵı Qaraqalpaq mámleketlik universiteti magistratura bólimi 1-kurs magistrantı Zamira Ayımbetova “THE IMAGE OF ISLAM KARIMOV IN THE POETRY OF I. YUSUPOV” atamasındaǵı maqalası menen qatnasıp, sıylı 3-orındı iyeledi hám diplom jáne eń kem miynet haqısınıń 50 esesi muǵdarındaǵı qarjılay sıylıq penen sıylıqlandı.
Sıylıqlaw saltanatında magistrant Zamira Ayımbetova da shıǵıp sóyledi.

Islam Matekov,
Qaraqalpaqstan xabar agentliginiń sholıwshısı.