ÓzAnıń xabarshısına «Máhálle» qayırqomlıq qorınan xabar etiwinshe, aymaqlarda xalıqtıń qıytaq jer xatlawın ótkeriw maqsetinde 4 million 733 mıń 326 shańaraq dizimnen ótkerildi. Bul processte hár bir shańaraq qolındaǵı jer maydanınıń kólemi, ne egilgeni, eger de bos turǵan bolsa, endigide bul jerden qanday paydalanbaqshı ekeni úyrenildi.
Oǵan bola, diyqan xojalıqlarınıń hám xalıqtıń qıytaq jer maydanlarında egilgen 73,4 mıń gektar toqsanbastı egininen joqarı ónim alıw, egislik atızlarınıń 184,6 mıń gektarına erte pisiwshi hám 185,8 mıń gektarına orta pisiwshi eginlerdi egiw támiyinlendi. Sonday-aq, xalıqtıń talabı tiykarında 1 million 333 mıń 738 bas sharwa, 3 million 216 mıń bas qusshılıq, 3 mıń 721 gektarda ıqsham ıssıxanalar qurıw baǵdarınan usınıslar alındı.
Davergeodezkadastr komiteti bul usınıslar tiykarında qıytaq jeri bar shańaraqlar boyınsha maǵlıwmatnamalardı rásmiylestirdi. Aymaqlıq jumısshı toparlar xalıqtıń qálewin úyrenip, ónim jetistiriw hám onıń isletiliwi, ıssıxanalar qurıw, sharwashılıq, qusshılıq, palhárreshilik, balıq baǵıw boyınsha talapların da úyrendi.
Usı waqıtqa shekem qıytaq jerinen paydalanıwdı tártipke salıw, esabın júrgiziwge itibar qaratılmaǵanın atap ótiw kerek. Sonnan bolsa kerek, puqaralar jıyınlarınıń wákilleri máhállelerde túsindiriw jumısların alıp barǵanına qaramastan qıytaq jer iyeleri óz egislik jerlerinen tolıq paydalanıwǵa itibar bermegen. Endigiden bılay máhálle wákilleri aymaqtaǵı hár bir shańaraqqa kirip barıw hám jerden qay dárejede paydalanıp atırǵanın qadaǵalaw huqıqına iye boldı.
Endigiden bılay máhállelerdi qánigelestiriw de kózde tutılmaqta. Mısalı ushın, bir máhálledegi 100 shańaraq piyaz, jáne 200 shańaraq kartoshka egiwdi jolǵa qoyıwı múmkin.
Áne sol waqıtta, qıytaq jerge egin ekken puqaranıń úyinen ónimdi oraylastırılǵan halda alıp ketip, aqshasın plastik kartochkasına ótkerip beriw jáne de ańsatlasadı.
Eń qızıq tárepi, eger kúyewi bolıp, ol shet elge jumıs islewge ketken jas hayal qıytaq jerden paydalanıw imkaniyatına iye bolmasa, bul jerdi islete alatuǵın qońsıǵa ijaraǵa beriw ilajı da kóriliwi múmkin. Eger bul sistema keńnen jolǵa qoyılsa, adamlarda qıytaq jerlerinen paydalanıwda mápdarlıqları artadı, olarda diyqanshılıq etiwlerine túrtki boladı.
Sayora Shoeva, ÓzA