Nókis qalasında Gollandiyanıń Dalsem kompaniyası pomidor jetistiriw ushın maydanı 2,7 gektarga teń bolǵan ıssıxana qurılmaqta. Bahası altı million evroǵa teń bolǵan joybardı usı jıldıń avgust ayı aqırına shekem juwmaqlastırıw rejelestirilmekte. Bul haqqında AgroWorld Uzbekistan 2018 13-xalıqaralıq kórgizbesinde kompaniya menedjeri Farhad Rahmatov Spot basılımına bildirgen.
Íssıxanada gidroponika sisteması qollanıladı, ovoshlar arnawlı aspa lotoklarda jetistiriledi. Qurılma bálentligi jeti metrge jaqın boladı. Íssıxanalarda ısıtıwdıń birneshe basqıshı qollanıladı.
Shańlandırıw pal hárreleri járdeminde ámelge asırıladı, bul ekologiyalıq taza ónim alıw imkaniyatın beredi. Barlıq sistemalar ósimlikler ushın optimal mikroıqlım jaratıw ushın oylap shıǵılǵan.
Nókis qalası hákimligi bul ıssıxananıń Nókis qalasında boy tiklep atırǵan logistika orayınıń quramında qurılıp atırǵanlıǵın bildiredi.
QXA