Ózbekstan mámleketlik kórkem óner hám mádeniyat institutı, sonday-aq usı instituttıń Nókis, Ferǵana aymaqlıq filialları Aral regionın tereklikke aylandırıw joybarı ústinde jumıs alıp barmaqta. Jaqında usı maqsette Qoqan qalasınan miyweli terek nálleri hám nálsheleri Moynaqqa alıp kelindi. Bul haqqında ÓzA xabar bermekte.
Moynaq rayonı hákimi Saylawbay Daniyarov usınısı menen terek nálleri hám terek nálsheleri Moynaq rayonına arnawlı aymaqqa egiletuǵın boldı. Rayon hákimi hám institut wákilleri bul baǵdıń birinshi nállerin birgelikte otırǵızdı. Táreplerdińrazılıǵı hámde Moynaq rayonı hákimi qararı menen bul baǵ «Qoqan baǵı» dep atalmaqta. Házirgi kúnde baǵqa mıńlap nállerdi egiwge tayarlıq kórilmekte.
QXA