2018-jıldıń 4-mart kúni Nókis qalası Góne qala elatında jaylasqan avtomobiller turatuǵın jerde burın bir neshe márte sudlanǵan puqara J.E. spirtli ishimlik iship, más halında biytanıs puqaraǵa taslanıp, dene jaraqatın jetkerip, onıń bir dana «Samsung Duos» markalı uyalı telefonın hám 300 000 (úsh júz mıń) sum muǵdarındaǵı aqshasın ashıqtan-ashıq tonap waqıya ornınan jasırınbaqshı bolǵan waqıtta ishki isler uyımları tárepinen uslandı.
Bul jaǵday boyınsha Ózbekstan Respublikası Jınayat Kodeksiniń 166-statyası 1-bólimi menen jınayat isi qozǵatılıp, dáslepki tergew jumısları alıp barılmaqta.
Qaraqalpaqstan xabar agentligi