«Ózbekenergo» kompaniyası 1-aprelden baslap elektr energiyası tariflerin arttırıwdı málim etti, dep xabar bermekte Gazeta.uz saytı. Jańalanǵan tarifler reestri 14-mart kúni Ózbekstan Qarjı ministrligi tárepinen tastıyıqlandı.

Xalıqqa jetkerip berilip atırǵan 1 kVt/saat elektr energiyası 204,3 sumnan 228,6 sumǵa, elektr plitaları menen úskenelengen turaq jaylarda bolsa 102,15 sumnan 114,3 sumǵa kóbeytiledi.

Sońǵı márte elektr energiyası hám basqa da kommunallıq xızmetler tarifleri 2017-jıldıń iyul ayında kóbeytilgen edi.

Qaraqalpaqstan xabar agentligi