Usı jıldıń 14-mart sánesinde paytaxtımızdaǵı Jaslar orayında Ózbekstan jaslar awqamı Qaraqalpaqstan Respublikalıq Keńesiniń baslaması menen shólkemlestirilgen Jaslar press klubınıń 3-sessiyası bolıp ótti.

Sessiyaǵa Qaraqalpaqstan Teleradiokompaniyası direktorı Q.Naǵmetov, Qaraqalpaqstan xabar agentligi direktorı E.Qanaatov, Qaraqalpaqstan Respublikası Baspasóz hám xabar agentliginiń bólim baslıǵı B.Jiyemuratov hám “Nókis FM” radiostanciyası jáne “Jaslar TV” telekanalınıń direktorı B.Elmanov, Qaraqalpaqstan Teleradiokompaniyası direktorı orınbasarı N.Jaqsımuratova, sonday-aq, ǵalaba xabar quralları wákilleri, jas jurnalistler hám bloggerler qatnastı.


Sessiyada xalıqaralıq hám jergilikli jurnalistikanıń rawajlanıw perspektivaları jáne mashqalaları, olardı sheshiw boyınsha pikir-usınıslar ortaǵa taslanıp, taraw wákilleri menen soraw-juwaplar ótkerildi.

Islam Matekov,

Qaraqalpaqstan xabar agentliginiń sholıwshısı.