6-mart kúni Qaraqalpaqstan Respublikası huqıq qorǵaw uyımları xızmetkerleri tárepinen Nókis temir jol bándirgisi átirapında ótkerilgen jedel ilajlar dawamında puqara N.A «shártli qarıydarǵa» bes dana «Mif 3v1» jazıwı bolǵan qutıǵa jaylastırılǵan jámi 2,5 kilogrammǵa teń bolǵan poroxqa usaǵan untaq hám 3072 dana «CBO-N» atlı kapsyulalardı bir yarım million sumǵa satıp atırǵanda qolǵa alınıp, uslanǵan nárse ayǵaqlı zat retinde alıp qoyıldı.

«MIF»tiń qutısında ne bar ekeni ele anıqlanbadı. Búgingi kúnde jınayat isi qozǵatılıp, dáslepki tergew háreketleri dawamında gúmanlanıwshılardıń bunnan tısqarı basqa da puqaralarǵa nızamsız túrde porox untaǵın satqanı anıqlanıp, tergew háreketleri dawam etpekte.

Qaraqalpaqstan xabar agentligi