Qaraqalpaqstan gidrometeorologiyalıq baqlaw orayınıń bergen maǵlıwmatlarına qaraǵanda, respublikamız aymaǵına 13-mart kúni arqa-batıstan suwıq hawa aǵımı kirip keldi. Usı kúni hawanıń temperaturası túngi waqıtları Ústirt tegisliginde -6ºS, -7ºS suwıq, barlıq rayonlarda bolsa -1ºS, -3ºS suwıq, al kúndizgi hawa temperaturası Ústirt tegisliginde -1ºS, -4ºS suwıq, barlıq rayonlarda bolsa +1ºS, +3ºS jıllı bolǵanlıǵı baqlandı.
14-mart kúni hawanıń temperaturası túngi waqıtları Ústirt tegisliginde -7ºS, -10ºS suwıq, barlıq rayonlarda bolsa -3ºS, -5ºS suwıq bolǵanlıǵı baqlandı.
Maǵlıwmatlarǵa qaraǵanda, suwıq hawa temperaturası 15-mart kúni de saqlanıp, túnde hawanıń temperaturası respublikamız aymaqlarında -2ºS, -7ºS, Ústirt tegisliginde -7ºS, -12ºS ǵa shekem suwıq bolıwı, al kúndizgi waqıtları respublikamız boylap +1ºS, +6ºS jıllı, Ústirt tegisliginde 0ºS, -5ºS suwıq bolıwı kútiledi.
16-mart kúni respublikamız boylap hawa temperaturasınıń jılıwı baqlanadı. Hawa temperaturası túngi waqıtları 0ºS, -5ºS suwıq, al kúndizgi waqıtları +3ºS dan +8ºS ǵa shekem kóteriliwi baqlanadı.
Qaraqalpaqstan xabar agentligi