Berdaq atındaǵı Qaraqalpaq mámleketlik akademiyalıq muzıkalı teatrında 8-mart – Xalıqaralıq – hayal-qızlar bayramına arnap tayarlanǵan «Sawǵa» teatrlastırılǵan koncert baǵdarlaması teatr saxnasında tamashagóyler názerine usınılmaqta.
Teartlastırılǵan koncert baǵdarlaması B.Baymurzaev hám B.Nazarımbetovlardıń rejissyorlıǵında saxnalastırılıp, onda yoshlı qosıqlar, qızıqlı intermediyalar, milliy balet ayaq oyınları, jas talant iyeleriniń, Ózbekstan hám Qaraqalpaqstan Respublikalarına xızmet kórsetken artistlerdiń yoshlı qosıqları, kewilli kompoziciyaları orın alǵan.
Teatr aktyorları tárepinen sheberlik penen atqarılatuǵın «Toydan keyingi tartıs», «Jezde hám baldızlar», «Syurpriz», «Chempion kelin» atamasındaǵı turmıstan alınǵan qızıqlı intermediyalar tamashagóylerge kóterińki keypiyat baǵıshlaydı.
«Sawǵa» tamashaları usı aydıń aqırǵı kúnlerine shekem dawam etedi.
Tárbiya SEYTNAZAROVA,
Qaraqalpaqstan xabar agentligi xabarshısı