Kegeylide usı jılı «Lanko Miya» Ózbekstan-Qıtay qospa kárxanası kurılıwı rejelestirilmekte.
Bul kárxana tiykarınan formacevtika preparatların islep shıǵarıwǵa baǵdarlanǵan. Jılına 30 mıń tonna boyan tamırın qayta islew arqalı 1000-1500 tonna ekstrakt islep shıǵarıw kútilmekte. Rayon turǵınları ushın úlken jańalıq bolǵan kárxana usı jıl 1-iyulde iske túsiwi názerde tutılǵan.
– «Lanko Miya» juwapkershiligi sheklengen jámiyeti ótken jıldıń may ayında dúzilgen bolıp, usı jılı kárxanamızǵa kommunikaciya texnologiyaları hám ásbap-úskeneler alıp kelinip, ornalastırıp atırmız. Rayonda bıyılǵı jılı 29 mıń gektar jerge boyan tamır egiw kútilmekte. Kárxanamız iske túskennen keyin 200 jańa jumıs ornı jaratıladı, – deydi kárxana direktorı Murat Gaypov.
Joybardıń ulıwma summası 3 mln. 760 mıń AQSh dolların quraydı.
Gawhar BEGJANOVA,
QMU jurnalistika qánigeligi 2-basqısh studenti
Qaraqalpaqstan xabar agentligi