Elektr energiyası menen támiyinlew boyınsha orın alıp atırǵan mashqalalardı anıqlaw hám olardı saplastırıw maqsetinde Ámiwdárya rayonında «Ózbekenergo» AJnıń basqarıw direktorı U.Mustafaev, ulıwmalıq bólim baslıǵı N.Botirova, «Qaraqalpaq aymaqlıq elektr tarmaqları kárxanası» AJ bas direktorı wazıypasın waqıtsha atqarıwshı Z.Kerimzatov hám rayon hákimi S.Ywldashev kárxana jáne shólkem baslıqları, mákan puqaralar jıyınları baslıqları hám rayon turǵınları menen ushırasıw ótkerdi. Bul haqqında Amunews.uz saytı xabar bermekte.
Ushırasıwda «Ózbekenergo» AJ basqarıw direktorı U.Mustafaev xalqımızǵa sapalı túrde elektr energiyasın jetkerip beriw baǵdarında jumıslar jetilisip atırǵanı, Prezidentimizdiń baslaması menen «Gidroenergo» AJ shólkemlestirilgeni, sistemanı reformalaw baǵdarında birneshe huqıqıy-normativlik hújjetler qabıl etilgenin hám usı tiykarda elektr tarmaqların jańalaw ilajları basqıshpa-basqısh orınlanıp atırǵanın aytıp ótti.
Ilajda xalıqtıń múrájatları tıńlanıp, olardı sheshiw boyınsha tiyisli uyımlarǵa tapsırmalar berildi.
Qaraqalpaqstan xabar agentligi