ShAVKAT MIRZIYoEVTIŃ TÁJIKSTANǴA MÁMLEKETLIK SAPARÍ NÁTIYJELI ÓTPEKTE

Shavkat Mirziyoevning Tojikistonga davlat tashrifi samarali wtmoqda
Dushanbe, 9-mart. ÓzAnıń arnawlı xabarshısı Abu Bakir Wrazov xabar etedi.

Burın xabar etilgenindey, Ózbekstan Respublikası Prezidenti Shavkat Mirziyoev Tájikstan Respublikası Prezidenti Imamali Rahmannıń mirát etiwine bola mámleketlik sapar menen Dushanbe qalasında bolmaqta.

Sapardıń tiykarǵı waqıyaları Dushanbe qalasındaǵı «Qasri milliy» sarayında bolıp ótti. Ózbekstan Prezidenti Shavkat Mirziyoevti rásmiy kútip alıw máresimi bolıp ótti. Joqarı mártebeli miymannıń húrmetine húrmetli qarawıl sap tarttı. Prezidentler – Shavkat Mirziyoev hám Imamali Rahman minberge kóterildi. Ózbekstan hám Tájikstan mámleketlik gimnleri jańladı. Prezidentler húrmetli qarawıldıń sapı aldınan ótti.

Sonnan soń Prezidentlerdiń tar sheńberdegi ushırasıwı bolıp ótti. Doslıq hám konstruktivlik ruwxında ótken sóylesiwde siyasiy, sawda-ekonomikalıq, transport-kommunikaciyalıq, mádeniy-gumanitar hám basqa da eki tárepleme keń kólemli birge islesiwdi bunnan bılay da keńeytiw hám tereńlestiriwdiń perspektivaları, sonday-aq, regionallıq hám xalıqaralıq mashqalalar dodalandı.

Mámleketimiz basshısı Tájikstan Prezidentine shın júrekten qabıl etkeni hám Ózbekstan delegaciyasına kórsetilgen joqarı húrmet ushın minnetdarshılıq bildirdi. Eki el arasındaǵı arasındaǵı birge islesiwdi rawajlandırıwda baqlanıp atırǵan unamlı ósim pátin qanaatlanıwshılıq penen atap ótti.

Tájikstan Respublikası Prezidenti Ózbekstan Respublikasında ámelge asırılıp atırǵan elimiz potencialın bekkemlew, milliy ekonomikanı rawajlandırıw xalıq abadanlıǵın arttırıwhám elimizdiń xalıqaralıq abıroyın bekkemlewge qaratılǵan jumıslarǵa joqarı baha berdi.

Ózbekstan menen Tájikstan óz-ara sherikshilik qatnasıqların izbe-iz rawajlandırıwǵa hám bekkemlewge isenimli keypiyatta qaramaqta. Eki mámleket arasındaǵı qatnasıqlardıń kólemi keńeyip, konstruktiv siyasiy sóylesiw ornatılmaqta. Joqarı dárejedegi baylanıslardı bunnan bılay da keńeytiw boyınsha áhmiyetli qádemler taslandı.

Ózbekstan menen Tájikstan arasındaǵı qatnasıqlar jańa dáwir talapları tiykarında rawajlanbaqta. Atap aytqanda, Ózbekstan Respublikası menen Tájikstan Respublikası arasında 2000-jıl qol qoyılǵan Máńgi doslıq haqqındaǵı shártnamada eki tárepleme qatnasıqlardıń tiykarǵı principleri sáwlelengen.

Tárepler xalıqaralıq maydanda, sonıń ishinde, birlesken milletler shólkemi, Biyǵárez Mámleketler Doslıq Awqamı, Shanxay birge islesiw shólkemi, Islam birge islesiw shólkemi hám basqa da xalıqaralıq strukturalar sheńberinde birge islesiwdi izbe-iz dawam ettirip kelmekte.

Ózbekstan menen Tájikstan arasındaǵı óz-ara paydalı birge islesiw eki mámleket xalıqlarınıń uzaq múddetli máplerge juwap beretuǵın, Oraylıq Aziya regionında tınıshlıqtı, turaqlılıqtı, qáwipsizlikti hám izbe-iz rawajlanıwdı támiyinlew tiykarǵı faktor bolatuǵın dárejege kóterilmekte.

Tájikstan tárepi Ózbekstan Respublikası Prezidentiniń, BMSh Bas Assambleyasınıń «Oraylıq Aziya regionında tınıshlıqtı, turaqlılıqtı hám izbe-iz rawajlanıwdı támiyinlew boyınsha regionallıq hám xalıqaralıq birge islesiwdi hám rawajlanıwdı bekkemlew» hám «Aǵartıwshılıq hám diniy keńpeyillik» rezolyuciyaların, sonday-aq, Jaslar huqıqları haqqında BMSh konvenciyasın islep shıǵıw boyınsha baslamalardı qollap-quwatlaytuǵının bildirdi.

Prezidentimizdiń Tájikstan Respublikasına mámleketlik saparı dawam etpekte.

ÓzA

  12.03.2018, 08:43  |    60 ma'rte ko'rildi

Raxmet

Sayt administratsiaysi qa'te tekst haqqinda xabarlandirildi