Ózbekstan jaslar awqamı Oraylıq Keńesi tárepinen 12-28-fevral kúnleri «Ózbekstan jaslar awqamınıń baslanǵısh shólkemleri iskerligin jáne de jedellestiriw hám janlandırıw kúnleri» dep járiyalanıwı múnásibeti menen «Hákim hám jetekshi-sárdarlar» ushırasıwı bolıp ótti. Bul haqqında rayon hákiminiń rásmiy veb-saytı málim etti.
Ushırasıwda, ulıwma bilim beriw mektepleri hám kolledjlerdegi baslanǵısh shólkem jetekshi sárdarları qatnastı.
Ushırasıw dawamında, rayon hákimi M.I.Qosnazarov ulıwma bilim beriw mektepleri hám kolledjlerdegi baslanǵısh shólkem jetekshileriniń qızıqtırǵan sorawlarına juwaplar berdi hám kolledjlerde shólkemlestirilgen «Biznes klub»larda óz kishi biznesin baslaw niyetindegt jaslar ushın seminarlar ótkeriw niyetinde ekenligin bildirdi.
Ushırasıwda sárdarlar tárepinen mektep kitapxanalarındaǵı kitap fondların ádebiy kitaplar, shet el ádebiyatları menen bayıtıw, rayon aymaǵında oraylıq kitapxana ashıw, kolledjlerde shólkemlestirilgen «Biznes klub»larda sırt el biznes rejeleri tiykarında seminar-treningler ótkeriw, sonday-aq, Ózbekstan jaslar awqamı rayonlıq Keńesi janınan shólkemlestirilgen «Jaslar teatrı»n rayon orayınan alıs aymaqlardaǵı mekteplerde de alıp barıw boyınsha usınıslar bildirildi.
Qaraqalpaqstan xabar agentligi