6-8-mart kúnleri Dushanbe qalasında Mámleketlik shegaranı delimitaciya hám demarkaciya etiw máseleleri boyınsha Ózbekstan hám Tájikstan húkimetleri delegaciyaları jumısshı toparlarınıń gezektegi ushırasıwı bolıp ótti, dep xabar berdi piyshembi kúni Sırtqı isler ministrliginiń baspasóz xızmeti.
Atap ótiliwinshe, Ózbekstan Respublikası hám Tájikstan Respublikası arasında Mámleketlik shegaranı delimitaciya hám demarkaciya etiw máseleleri boyınsha Ózbekstan-Tájikstan húkimetleraralıq komissiyası qospa májilisiniń 2018-jıl 24-fevralda Ferǵana qalasında qol qoyılǵan Bayanlamasınıń orınlanawı sheńberinde Ózbekstan-Tájikstan Mámleketlik shegarasınıń ayırım uchastkaları haqqında Ózbekstan Respublikası hám Tájikstan Respublikası arasındaǵı Shártnama joybarına kerekli qosımsha tayarlandı hám rásmiylestirildi.
Bul hújjet Ózbekstan Respublikası Prezidenti Shavkat Mirziyoevtıń Tájikstanǵa mámleketlik saparı waqtında qol qoyılıwı rejelestirilgen.
ÓzA