Qanlıkól rayonında 8-mart – «Xalıqaralıq hayal-qızlar kúni» múnásibeti menen bayram keshesi bolıp ótti. Bul haqqında rayon hákimliginiń rásmiy veb-saytı málim etti.
Keshede xalıq xojalıǵındaǵı ózleriniń pidákerlik miynetleri menen belsendilik kórsetip kiyatırǵan hayal-qızlar, nuranıy hajı analar, baslanǵısh shólkem jetekshileri, bir qatar úy biykeleri qatnastı.
Bayram keshesi rayonda jasap, miynet etip atırǵan nuranıy analar menen hayal-qızlardıń turmısındaǵı jetiskenlikleri sáwlelengen videorolik penen baslandı.
Bayram keshesinde rayon hákimi M.Qosnazarov, rayon prokurorı A.Karimbaev, rayonlıq hayal-qızlar komiteti baslıǵı U.Ospanovalar barlıq hayal-qızlardı bayram menen qutlıqlap, rayon aymaǵındaǵı túrli tarawlarda belsendilik penen miynet etip kiyatırǵan bir qatar hayal-qızlarǵa rayon hákiminiń «Húrmet jarlıǵı» hám bayram sawǵaların tapsırdı.
Bayram keshesinde Qaraqalpaqstan Respublikasına belgili kórkem óner sheberleri hám rayonlıq kórkem-óner tarawı xızmetkerleri tárepinen tayarlanǵan qosıqlar, háziller hám ayaq oyınlarınan ibarat koncert baǵdarlaması usınıldı.
Qaraqalpaqstan xabar agentligi