Usı jıldıń 2-mart sánesinde Shomanay rayonında rayonlıq hayal-qızlar komiteti, sport komiteti, ishki isler bólimi hám medicinalıq birlespe menen birgelikte “8-mart – Xalıqaralıq hayal-qızlar bayramı” múnásibeti menen rayon hayal-qızları arasında velosport jarısı ótkerildi. Bul haqkında rayon hákimliginiń rásmiy veb-saytı xabar bermekte.
Jarısqa 18 jastan 45 jasqa shekemgi hayal-qızlar qatnastı. Bellesiwler sońında jeńimpazlar shólkemlestiriwshilerdiń diplom hám estelik sawǵaları tapsırıldı.
Qaraqalpaqstan xabar agentligi