Ájiniyaz atındaǵı Nókis mámleketlik pedagogikalıq institutında 8-mart–Xalıqaralıq hayal-qızlar bayramına baǵıshlanıp student-jaslar hám pedagog xızmetkerler arasında voleybol boyınsha jarıs bolıp ótti.
Institut rektoratı, sport klubı, kásiplik awqamı komiteti, Ózbekstan jaslar awqamınıń instituttaǵı baslanǵısh shólkemi tárepinen shólkemlestirilgen jarısqa 8 fakultetten komandalar qatnastı.
Qızıqlı ótken jarıs juwmaǵında student-jaslar arasında filologiya fakulteti komandası birinshi, shet tili fakulteti ekinshi, ximiya-biologiya fakulteti úshinshi, pedagog xızmetkerler arasında matematika-informatika fakulteti birinshi, filologiya fakulteti ekinshi, fizika-miynet fakulteti úshinshi orındı iyeledi.
–Dástúriy jarısta ekinshi jılı qatarına jeńimpaz bolıp, kuboktı ózimizde saqlap qaldıq, – deydi filologiya fakulteti komandasınıń sárdarı Aynura Jaqsıbaeva.
Jeńimpazlar, sonday-aq, jarıstıń eń jaqsı oyınshıları shólkemlestiriwshiler tárepinen bahalı sawǵalar hám Húrmet jarlıqları menen sıylıqlandı.
Qaraqalpaqstan xabar agentligi.