Usı jıldıń 23-27-fevral kúnleri Birlesken Arab Ámirliginiń Dubay qalasında sporttıń qılıshlasıw túri boyınsha jas óspirimler hám qız balalar arasında Aziya chempionatı ótkerildi.

Chempionatqa dúnyanıń 15 mámleketinen sportshılar qatnastı.

Oǵan qaraqalpaqstanlı sportshılar sablya jónelisi boyınsha qatnasıp, Sherzod Mamutov hám Fazıl Genjebaevlar ekinshi, Zaynab Dayıbekova bolsa úshinshi orınlardı iyelewge eristi.

Sportshılardı jarısqa Dáwirbek Jiyemuratov hám Rasul Sultanovlar tayarladı.

Gawxar BEGJANOVA,

QMU jurnalistika qánigeligi 2-basqısh studenti.