Burın xabar etilgenindey, 26-28-fevral kúnleri respublikalıq suw sportı túrleri boyınsha qánigelestirilgen balalar hám jas óspirimler sport mektebinde sporttıń júziw túri boyınsha 2004-2005, 2006-2009 hám 2010-2011-jılları tuwılǵan jas óspirimler arasında Qaraqalpaqstan Respublikası qısqı chempionatı ótkerildi.

Jarısqa Beruniy rayonınan hám Nókis olimpiada rezervleri sport kolledjinen jámi 70 ten aslam jas óspirim sportshılar qatnastı.

Jarıs Ózbekstan júziw federaciyası tárepinen tastıyıqlanǵan qaǵıydalar tiykarında ótkerildi.

Qızǵın bellesiwlerge bay bolǵan jarıs juwmaǵında 200 metrge kompleksli usılda júziw boyınsha 2004-2005 jılları tuwılǵan qızlar arasında Gúlandam Abdireymova, er balalar arasında Ruslan Batırbaev, 200 metrge shalqayıp júziw usılında qızlar arasında Azada Satbaeva, er balalar arasında Muratbek Amanbaev, 200 metrge batterflyay usılda qızlar arasında Gúlandam Abdireymova, er balalar arasında Ruslan Batırbaev, 200 metrge erkin usılında júziw boyınsha qızlar arasında Gúlandam Abdireymova, er balalar arasında Ruslan Batırbaev, 100 metrge erkin usılda júziw jarısında er balalar arasında Roman Ilyasov, 2006-2009-jılları tuwılǵan er balalar arasında 200 metrge kompleksli usılda júziw jarısında Roman Pantyushenko, 100 metrge shalqayıp júziw usılında Manas Suleymenov, qızlar arasında 50 metrge erkin usılda júziw boyınsha qızlar arasıda Alina Alpısbaeva, shalqayıp júziw usılında Soǵdiana Fayzullaeva, 200 metrge batterflyay usılda júziwde er balalar arasında Ruslan Batırbaev, 100 metrge erkin usılda júziw boyınsha qızlar arasında Alina Alpısbaeva, 50 metrge batterflyay usılında júziwde Axmet Kamalov, 2010-2011-jılları tuwılǵan er balalar arasında 50metrge erkin usılda júziwde Roman Ilyasov jeńimpaz dep tabıldı.

Jarıs jeńimpazları Qaraqalpaqstan Respublikası Dene tárbiya hám sport boyınsha mámleketlik komitetiniń diplomları menen sıylıqlandı.

Tárbiya SEYTNAZAROVA,

Qaraqalpaqstan xabar agentligi xabarshısı