2-mart kúni Tashkent mámleketlik agrar universitetiniń Nókis filialı Shımbay akademiyalıq liceyinde «Kitaplar yarmarkası» ótkerildi. Bul haqqında rayon hákimliginiń rásmiy veb-saytı xabar bermekte.

Onda qatnasqanlar jańadan shıqqan kitaplar menen tanıstı. Ilajǵa Qaraqalpaqstan xalıq jazıwshısı M.Nızanov, «Tınıshlıq saqshısı» gazetasınıń redaktorı, shayır J.Óteniyazov, belgili jurnalist A.Turekeevalar qatnastı. Dáslep miymanlar liceyde Ózbekstan Qaharmanı, shayır I.Yusupovqa arnalǵan muzeydi kózden ótkerdi.

Ilaj sońında oqıwshılar jazıwshı hám shayırlar menen ushırasıp, ózleriniń qızıqtırǵan sorawların berip, olarǵa juwaplar aldı.

Qaraqalpaqstan xabar agentligi