Ózbekistan Respublikası intellektuallıq múlk agentligi respublikada eń jaqsı intellektuallıq múlk obektlerin anıqlaw hám huqıq iyelerin sıylıqlaw arqalı oylap tabıwshılıq hám ilimiy-texnikalıq dóretiwshilikti xoshametlew, innovaciyalıq belsendilikti arttırıw, jańa texnika, texnologiya hám básekige shıdamlı ónimlerdi jaratıwǵa kómeklesiw jáne jaslardıń innovaciyalıq qollanbaların qollap-quwatlaw maqsetinde:
«Eń jaqsı oylap tabıwshı;
«Eń jaqsı paydalı model»;
«Eń jaqsı sanaat úlgisi»;
«Eń jaqsı selekciya jetiskenligi»;
«Eń jaqsı EEM ushın baǵdarlamalar hám maǵlıwmatlar bazası»;
«Jaslar arasında eń jaqsı EEM ushın baǵdarlama avtorı» nominaciyaları boyınsha «BEST IP – 2018» tańlawın járiyalaydı.
Tańlawǵa keyingi úsh jılda (2015-2017-jıllar) dawamında qorǵaw hújjetleri alınǵan hám ámelde saqlap turılǵan oylap tabıwlar, paydalı modeller hám sanaat úlgileri jáne jergilikli avtorlar (huqıq iyeleri) tárepinen jaratılǵan EEM ushın jaratılǵan baǵdarlamalar hám maǵlıwmatlar bazaları menen selekciya jetiskenlikleri qabıl etiledi.
Tańlawdıń «Jaslar arasında eń jaqsı EEM ushın baǵdarlama avtorı» nominaciyası boyınsha 40 jasqa tolmaǵan, óziniń EEM ushın jaratılǵan baǵdarlamasına iye bolǵan shaxslar hújjetlerin tapsırıwı múmkin.
Tańlawǵa qatnasıw ushın hújjetler 2018-jıldıń 10-yanvarınan 2018-jıldıń 10-apreline shekem qabıl etiledi.
Tańlaw jeńimpazları «26-aprel – Xalıqaralıq intellektuallıq múlk kúni» qarsańında járiyalanadı. jáne estelik sawǵaları hám aqshalay sıylıqlar menen sıylıqlanadı.
Tańlaw qatnasıwshıları tómendegi hújjetlerdi usınadı:
– arza (tańlaw Rejesiniń 1-qosımshasına muwapıq tárizde toltırılǵan);
– qorǵaw hújjetleriniń kóshirmesi;
– obektten paydalanıw akti yamasa obekttiń paydalanıwǵa tayar ekeni haqqındaǵı hújjetler (tájiriybe yamasa sanaatta sınaǵan akti, licenziya shártnaması, engiziw akti hám basqalar).
Tańlawǵa talapnamalar jumıs kúnleri saat 9.00 den 17.00 ge shekem tómendegi mánzil boyınsha qabıl etiledi:
100000, Tashkent qalası, Mustaqillik prospekti, 59-jay (5-qabat Agentliktiń kitapxanası).
Sonday-aq tańlawǵa hújjetler elektron tárizde tanlov@ima.uz elektron mánzilinde de qabıl etiledi.
Hújjetler «Eń jaqsı intellektuallıq múlk obektleri ushın «BEST IP – 2018» tańlawına» dep kórsetilgen halda tapsırılıwı lazım.
Maǵlıwmat ushın telefonlar: 0 371 232-50-27, 0 371 232-50-50, 0 371 232-50-13.
Kórip shıǵıw ushın qabıl etilgen arza hám hújjetler tańlaw qatnasıwshılarına qaytarılmaydı hám olar recenziyalanbaydı.
Tańlaw haqqındaǵı tolıq maǵlıwmattı Agentlik saytınan (www.ima.uz) alıw múmkin.