Prezident Sh.Mirziyoevtiń 2017-jıl 15-16-dekabr kúnleri Qaraqalpaqstan Respublikasında bolǵan saparı dawamında respublikada ashshı burıshtı jetistiriwdi jedel rawajlandırıw boyınsha bergen tapsırmaları tiykarında Qanlıkól rayonı «Aymurat Qańlı» fermer xojalıǵı baslıǵı R.Sultanov ashshı burısh egiw texnologiyasın úyreniw maqsetinde Indoneziya mámleketinde tájiriybe arttırıp keldi.
Sapar dawamında fermer xojalıqları jer maydanlarında eksportbap ashshı burısh egiw agrotexnologiyası menen jaqınnan tanıstı.
R.Sultanov Qaraqalpaqstan Respublikasınıń jergilikli ıqlımına sáykeslestirilgen ashshı burıshtıń Marǵulon 330, Pikant, Ushqın, Altın reń, Said hám shet eldiń Big Mama Ǵ1, Shakira Ǵ1, Lota Ǵ1, Lobna Ǵ1 sortlarınıń rayonlastırılǵan egiw texnologiyasın hámde mineral tóginler menen azıqlandırıw, zıyankeslerge qarsı gúresiw usılların úyrenip kelip, házirgi waqıtta óz fermer xojalıǵında ashshı burısh jetistiriw boyınsha jumıslar alıp barmaqta.
Qaraqalpaqstan xabar agentligi