Xitoyda 9-27 yanvar kunlari 23 yoshgacha bo‘lgan futbolchilar o‘rtasida Osiyo chempionati bo‘lib o‘tadi.

Unda O‘zbekiston yoshlar terma jamoasi “A” guruhida Xitoy, Qatar hamda Ummon termalariga qarshi maydonga tushadi.

Musobaqadagi dastlabki uchrashuvni futbolchilarimiz 9 yanvar kuni qatarlik tengdoshlariga qarshi o‘tkazadilar. 12 yanvar kuni esa Xitoy va O‘zbekiston uchrashuvi o‘tkaziladi.

Guruh bahslaridagi so‘nggi uchrashuvni terma jamoamiz 15 yanvar kuni Ummon terma jamoasiga qarshi o‘tkazadi.