O‘zbekiston Respublikasi Prezidentining rasmiy veb-sayti hukumat tarkibidagi o‘zgarishlar haqida xabar berdi.
2017-yil 28-noyabrdagi O‘zbekiston Respublikasi Prezidentining PF-5257-son farmoniga muvofiq Akmalov Qahramon Valiyevich O‘zbekiston Respublikasi Bosh vazirining o‘rinbosari – Ta’lim, sog‘liqni saqlash, ekologiya, atrof-muhitni muhofaza qilish, jismoniy tarbiya va sport masalalari kompleksining rahbari lavozimiga tayinlandi, shu munosabat bilan O‘zbekiston Respublikasi Hisob palatasi raisi o‘rinbosari lavozimidan ozod etildi.
2017-yil 28-noyabrdagi O‘zbekiston Respublikasi Prezidentining PF-5256-son farmoniga muvofiq Otajonov Nodir Sobirovich O‘zbekiston Respublikasi Bosh vazirining o‘rinbosari, «O‘zagrotexsanoatxolding» aksiyadorlik jamiyati boshqaruvi raisi – Tashqi savdo faoliyati, eksport salohiyati, mashinasozlik, avtomobil, elektrotexnika, mudofaa, paxtani qayta ishlash va yengil sanoatini rivojlantirish, mahsulotlarni standartlashtirish masalalari kompleksining rahbari lavozimiga tayinlandi, shu munosabat bilan O‘zbekiston Respublikasi Bosh vazirining o‘rinbosari, «O‘zagrotexsanoatxolding» aksiyadorlik jamiyati boshqaruvi raisi – Tashqi savdo faoliyati, eksport salohiyati, mashinasozlik, avtomobil va elektrotexnika sanoatini rivojlantirish, mahsulotlarni standartlashtirish masalalari kompleksining rahbari lavozimidan ozod etildi.
2017-yil 28-noyabrdagi O‘zbekiston Respublikasi Prezidentining PF-5255-son farmoniga muvofiq Mirzayev Zoyir Toirovich O‘zbekiston Respublikasi Bosh vazirining o‘rinbosari, Qishloq va suv xo‘jaligi vaziri – Qishloq va suv xo‘jaligi, qishloq xo‘jaligi va oziq-ovqat mahsulotlarini qayta ishlash masalalari kompleksining rahbari lavozimiga tayinlandi, shu munosabat bilan O‘zbekiston Respublikasi Bosh vazirining o‘rinbosari, Qishloq va suv xo‘jaligi vaziri – Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari kompleksining rahbari lavozimidan ozod etildi.
2017-yil 28-noyabrdagi O‘zbekiston Respublikasi Prezidentining PF-5254-son farmoniga muvofiq Qo‘chqorov Jamshid Anvarovich O‘zbekiston Respublikasi Bosh vazirining o‘rinbosari, O‘zbekiston Respublikasi Moliya vaziri – Makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari kompleksining rahbari lavozimiga tayinlandi, shu munosabat bilan O‘zbekiston Respublikasi Bosh vazirining o‘rinbosari, O‘zbekiston Respublikasi Moliya vaziri -Makroiqtisodiy rivojlantirish, tarkibiy o‘zgartirishlar, xorijiy investitsiyalarni jalb etish masalalari kompleksining rahbari lavozimidan ozod etildi.
O‘zbekiston Respublikasi Prezidentining 2017-yil 28-noyabrdagi PF-5260-son farmoniga muvofiq Xo‘jayev Jamshid Abduhakimovich – O‘zbekiston Respublikasi Tashqi savdo vaziri lavozimiga tayinlandi, shu munosabat bilan O‘zbekiston Respublikasi Hisob palatasi raisining birinchi o‘rinbosari – O‘zbekiston Respublikasi Davlat byudjetiga tushumlarning to‘liqligini nazorat qilish inspeksiyasi boshlig‘i lavozimidan ozod etildi.
O‘zbekiston Respublikasi Prezidentining 2017-yil 28-noyabrdagi PF-5253 sonli farmoniga muvofiq Xolmuradov Suxrob Rustamovich – O‘zbekiston Respublikasi Bosh vazirining o‘rinbosari, Investitsiyalar, innovatsion rivojlantirish, erkin iqtisodiy va kichik sanoat hududlari faoliyatini muvofiqlashtirish, turizm masalalari kompleksining rahbari lavozimiga tayinlandi.
O‘zbekiston Respublikasi Prezidentining 2017-yil 28-noyabrdagi PF-5258 sonli farmoniga muvofiq Xo‘jayev Botir Asadillayevich – O‘zbekiston Respublikasi Iqtisodiyot vaziri lavozimiga tayinlandi, shu munosabat bilan Moliya vaziri lavozimidan ozod etildi.